هناك عدة طرق لمكافحة طريقة كتابة العربي بحروف انجليزي...اولا كانت طريقتي في الأصل هو ببساطة تشجيع الناس لان يستخدموا لوحة المفاتيح العربي
في طرق تانية اقترحها الزملاء زي مثلا استخدام موقع
http://www.yamli.com/editor/حيث يترجم فوريا ماتكتبه بطريقة الفرانكو آراب الي حروف عربية تتفهم وبتاعت ربنا
!!!
في طريقة تالتة اقترحها الزميل أحمد جمال وهي انشاء لغة تالتة علي كل كمبيوتر بحيث انك تضرب علي الكي بورد الانجليزي بطريقة الفرانكو آراب و يقوم الويندوز فوريا طابع علي الشاشة حروف عربي مظبوطة...أحمد شرح الطريقة دي بالتفصيل في موقع خاص
http://www.3arabik.com/.....
الحلين الأخيرين هما حلول وسط وتدريجية لأننا لازم نكون عمليين ونعترف بانتشار الطريقة الغريبة دي وصعوبة استئصالها بسهولة
انا ايضا عندي فكرة رابعة...مادام بعض الناس مش عارفين أماكن الحروف العربي علي الكي بورد ..اذا ايه المانع ان يتم تغيير اماكن الحروف العربي علي الكي بورد العربي نهائي...بحيث نضع الحروف العربي علي نفس الزراير الأنجليزي اللي ليها نفس الصوت.....زي النون مع ال
N
مثلا
والتاء مع ال
T
يعني الشركات تبيع الكمبيوتر علي حسب ترتيب الحروف القديم (لان في ناس متعودين علي الترتيب ده جدا) أو علي حسب الترتيب الجديد....ويمكن يبقي في خاصية التحويل بين الأتنين بسهولة....
طبعا ده مش هيحل كل مشاكل الحروف لكن علي الأقل حيسهل الكتابة بالعربي والانجليزي في نفس الوقت
معا للقضاء علي الطريقة السرطانية المسماة بالفرانكوآراب حتي لا يندثر الحرف العربي في عصر الوسائل الرقمية
أيمن العطار
أليس سبرنجس...أستراليا